6 DECEMBER 1992

Ye ghatna humaren poore desh mai ek unsuljha rehasya bani hui hai har shaqsh uske bare mai jannan jaroor chahata hai par kabhi bhi khool ke is ke baare mai kahi bhi pure tour par nahi pata lag paya hai ki ye aakhir hai kya kya sach hai ya kya jooth ye hona chahiye tha ya nahi par ek baat to saaf thi ki ye ghatna ek mehatawapurn to thi un sabhi ke liye jo apne aap ko hindu kehlane mai garv mehsoos karte the par jo is ghatna ke bare mai ek dhudhli tasveer ki tarah hi dekh pata the jo kabhi sahi to kabhi galat lagne lagti hai ye sach hai ki har hindu ko is ghatna ka poore tour par kucha pata nahi tha sab kuch hi ek andhere ki bhati tha or ye bhi sach hai ki kai logon ke sapne is ghatna ke baad toot chuke honge kyo ki logon ne jis attmvishwas ke saath un sabhi logon ka saath diya jo ye sab poora karne ka sabhi ko vishwaas dilate rahi or sabhi ne unpar vishvaas bhi kiya ha is liye hi sapne tootne jesi baat keha raha hu. Ye jo dundhli si tasveer sabhi ke mann mai hai mai aaj use ek saaf kaprde se saaf karne ki ek koshish kar raha hu or wo bhi isliye ki us tasveer mai kahi par mai bhi moujood hu or apni mujoodgi mai mene jo kuch hi dekha use aap sabhi ke samne rakhna chahata hu. Mai ye to batana hi bool gaya ki mai abhi tak jis ghatna ki baat aap se kar raha hu uska naam to maine aap ko abhi tak nahi bataya. Mai jis ghatna ki baat kar raha hu use aap sabhi log 6 december 1992 ke naam se jante hai.

Uska aagreha nahi balki uske rehasyamay andaaz or uski bujurgiyat ka maan rakhte hue maine use apni pehchaan ek patrkar ke roop mai di thi. Saam 6 baji bas faizabaad pahuchi thi chunki mujhe jaana to ayodhya tha is liye kasbe ke andar ki or bade badte hi us bujurg ki salaha ab behad mufid nazar aane lagi kyoki sadko par dikhne lagi thi waha bheed, bheed nahi balki ek sailaab jansailaab ajeeb sa aakroosh aviyakt gusse se khiche chehre, bhich muthiiyan pila kaprda kandhe ye fir maathe par yaha jansailaab kidhar ki or jaa raha tha kehna mushkil tha kyo ki charon hi dishao se log aate or jate dikhai de rahe the. Fir agar koi dadri wala dikh gaya to bas yahi laparwaha nazar aanewali bheed ka ek hissa seema par tainaat sainiko sa musted nazar aane lagta or dadri wale ki talashi usse saghan puchtach is tarah karne lagte jaise trend commando dadri wala agar hindhu hai to chor dete or agar baat cheet se jahir ho gaya ki vishesha samudaye ka hai to uski jam kar pitai hoti khuleaam. Charon or ye hi jansailaab jinhe hum karsevak keha jaraha tha har raajya ki ek alag alag toliyan. Faizabad se ayodhya 5 km ke raste par sailaab hi sailaab sthaniya vahan dharak muft mai karsevakon ko le jarahe the,ghooma rahe the. Ayodhya ka shabdik arth hai, jise udha karke bhi jeeta na jasake.usi ko jeetne ki kasam khane walon ki bheed se pura paridrashya hi badla hua tha udhapurv ke kolahal,halchale,abhilashye,ikchaye sakar ho rahi thi. Yahan to kisi bhi tareh se vesh, boli, harkat,haobhav se agar koi vishesh samudaya ka nazar aata to baaz ki tarah jhapatta marker karsevakon ki bheed use ghere mai leti or kapdre utarwa deti yaha dekhne ki liye ki kahi khatna to nahi huoa hai. Na hone par usse jai shiri ram ken are lagwate. Ha hone par waha shaqsha us bheed ke gole me se haathon haath kahan par chala jata pata nahi chalta tha sab kuch suniyojit prashikshit vivadit dhancha parisar mai to sirf karsevakon ki bheed hi nazar aati thi mukhya duwar ke bagal mai isthit ek deewar or usme lage darwaje ke nirmard ke paas karsevakaon ke jathhe ne aana suru kiya. Matra 10 minit mai karib 500 logon ne jai siri ram ka nara lagaya or use or us nirmard ko dhaha diya. Ek ek iint uthai or bheed mai gayab hokar usi ka hissa ban gaye. Yaha waha sthal tha jahan tatkalin pradhan mantri Rajeev Gandhi ne hinduon ki bhawnaon ko santushtha karne ke liya shilanayas karwaya tha. 5 december 1992 ko is ke girte hi pura yakin ho gaya ki kal to ab ram mandir ka ram hi malik hai. Is dhuwasti karan ki khabar aaj tak kisi bhi media mai aaj tak nahi aapayi hai irade spasht ho gaye. Hum pahunch gaye karsevkampuram mai.use nagar kehna theek hoga vishal aasthai basti pani, bijli, zenretor, bedroom, sabhakasha, bathroom sahit shivir karine se lage. Har tareh ki dukan saji. Pehale raajya, fir jilawar theharne ki viyavastha, bade bade rasoigharon mai dhadhakti bhattiyan, banta bhojan, lakhon ki sankhya mai kambal ,rajai. Jagah jagah sulagte aalavon mai taapte log. Kirtam bhajan bheed itni ki chalna mushkil.

Mai karsevakpuram se lekar civil hospital tak ghoomte rahe. Chahe karnatak se aaye uvak se bate karon ye maharashtra walon se ek hi baat yahan saryon se balu la kar ram mandir mai dalne nahi aaye hai. Kal is dhanche ko gira kar hi jayenge. Kuch bhi ho jaye jaan leni pade ya chali jaye. Iske alawa ayodhya ke har aamir garib tabke ke gharon, mandiron, mathon, futhpath, chabutron, par karsevak behichak thehar jate the. Har ghar mai bhandara tha chaye nashte pani ka intzaam. Khaas baat ye hai ki aanya mazhabon ke puja isthal par bhi karsevkon ka kabja tha 5 december 1992 ki raat geharai hi thi tariban 11 baje vivadit parisar ke dayi or prastavit laxman mandir ki taraf khali medan ke niche gehare nale se karib 300 karsevkon ke jathe 50-50 ki sankhya mai upar ki or chadte nazar aaye sabke kandhon par parwatarohiyon ki tarah mote mote rasse haathon mai kudalen, sabbal, fawde, hathode, badi badi cheniyan ki puri kit. Sabhi khamoshi ke saath vivadit parisar ki or badne lage. Ek seeti baji or nale se lekar parisar ke niche tak dono taraf ek dusren ka haath pakad kar 2 minit mai ek manav katar bangayi. Beech mai khali jagaha se jatthe ne bhagna shuru kiya or bhag kar parisar ke niche tak aagaye or wapas usi gati se nale tak aakar puri kit rakh di to yeha tha kal ka yani 6 december 1992 ka purvabhyas. Parisar ke piche ki taraf charpai la kar dali jane lagi saath hi dayi taraf dekhte hi dekhte kai 100 bori ciment gitti, morang ke dheer lag gaye lakdi ki balliyan dal di gayi.

Is pure karya ko kai 100 logo samet surashabalo ne bhi dekha. Kuch samjha bhi magar kahi se prtikirya nahi hui. Raat 2 baje. Jattho ne shuru kar diya sampradaya vishesh ke chote chote dharmik isthalon va anya dharmik pratiko ko shatigarasth karna. 4 baje tardke yaani 6 December ki subha ka aagaj. Darbon mai band murgo ne aadat ke mutabik bang jaroor di hogi magar bhishan shor mai bhala kahan sunai deti. Saryu ki taraf huzoom badne laga. Ayaodhya ke charon taraf khule kheto, railway line ke aas paas. Saryu ke paar 4 km ke dayre mai disha maidan karne wale jahan jagah pai bethane lage. Na sharm na lihaja. Sitri-purush agal bagal. 6 bajte bajte pavitra ram nagri ke aas paas ka ilaka ganda ho utha. Mujhe yaha likhane mai koi sankocha nahi ki dharmik sthalo ko bhi gandgi se paat diya gaya. 6 december ka suraj aasmaan mai upar ki or aane laga tha. Duoop sirf gunguni paida kar rahi thi lekin ayodhya ki zameen sulagne lagi thi. Ghante gadiyalon ki tivra garjana ek sath shuru ho gayi thi. Yaha tha udha ghoosh. Maanas bhavan ki chat par jaane ki liye patrakaron ko samne ki bullding mai karsevak paas bana rahe the. Isi chakar mai jab us bullding mai nazar bacha kar kuch or andar chale gaye to nazaara bhochaka karne wala tha. 1000 ke lagbhag asalhadhari raifale,banduke, riwalwar, katte, tamache, liye tayaar ho rahe the. Kuch tayaar ho kar bojan karne lage the. Jaise hi ajanabi par nazar padi mujhe dhakhaa maar kar bahar kar diya. Sawal tha or hai ki ye asalhadari wahan kyo ikatthe the? Iske baad subah 8 baje se lekar 11 baje tak bheed ikattha hoti rahi. Theek 11 bajkar 5 minit par dhanche par purab, pashchim, uttar, dakchin charon taraf se dhawa bola gaya sab kuch niyantrit. Sab kuch suniyojit. Kon karsevak kahan se chadega? Kon patrakar ko rokenge,pitenge. Kon pathrao karega. Kon surasha balo ka rasta jam karenga. Kon manav shrikhala banyege. Mera tab bhi dava tha aaj bhi hai ki poora vidhvanshi karan or uska nirmand sab prayojit or kagaz mai likha gaya tha. Kai jatthe pramukh kagaz ko baar baar pad kar nirdesh de rahe the. Yaha baat sahi hai ki adwani, joshi, kalraj aadi 11 baje hi lakhnau rawana ho gaye the. Mouke par nahi the. Jaise hi laxman mandir ki taraf se manav katar ke bicha se wahi raat wale purwabhiyasi usi geharai se dorkar dhanche kitaraf bade. Upar khade surasha balon par nichi kade pattarbaaz jattho ne pattahrbaazi shuru kar di. ASP D.B.Rai apna helmet aage kar ke 2 minit to bachte rahe,fir bhag khade hue kahan chale gaye kisi ne nahi dekha. Ha baki affsar seta rasoi mai bane control room mai baith kar wairlass se sandesh prasarit karne lage.

Pehala viyakti jo kudal sahit sabse pehale gumbad tak pahucha usne riwalwar nikali or thai-thai kar 6 fayar kiye. Yaha tha sandesh. Baki piche ki taraf se chadne lage. Isi kiram mai gir kar ghayal hone lage. Tab wahan par raat mai lai gayi charpai ka rehasaya samajh mai aaya. Prashikshit kar sevak ghayalo ko fatak se charpai par dalte or gadi mai rakhte or rawana kar dete hospital ke liye.

12:10 dopehar mai mai wahan se nikla or apne ghar phone karne ko bhaga ayodhya mai to PCO band hi the ek tempu mai baith kar faizabaad aaya. Bas aaddepar jaise hi ek PCO mai jakar phone karne chaha wahan baithe viyakti ne haath pakad kar rok diya bola aaj phone na jayege or na hi aayenge tabhi charon taraf naare lagne lage jai shiri ram ho gaya kaam. Fir lot kar aaya to dekha wahan SP traffic banaye gay eek parichit ek add.SP samne baite amrood kha rahe hai. Idhar karsevakon ne dhanche tak phuchane wale raste mai lakdi ke bade bade tukade dal diye hai. Wahi par petrol lekar kade hue hai jaise hi surashabalo ki koi gadi aati dikhti to petrol dal kar aag laga dete the.yaha sara kaam bijli ka switch daba dene jaise gati se ek saath hota tha.

Ha karsevko ko leja rahe, la rahe wahan aaram se nikal rahe the. Poora plan ek tareh is tarah satiik tha ki jo bhi police PAC or aanaya kendriya bal ayaodhya or dhancha sthal kea as pass moujood the unhe karsevako ke teen guni sankhya wale jatthe ne cakraviuh bana ker subah se hi ghere mai le liya tha. Jaise ki PAC jhansi ke commandant ramlal ram parisar par the, unke sath 10 jawan the. Unhe 33 karsevko ne teen star keg here mai le liya tha. Raat mai jab commandant mujhe mile to unhone bataya ki waha or unke jawan chahkar bhi haath nahi hila sakte the. Unhone apni jakhmi per dikhaya, jo kar sevko ke dhakka dene se hua tha badi sateek tipani the unki ki agar yahi sab manmaani karni thi or hame haath bandh kar khade rehna tha to fir fours bulane ki kya jarurat thi? Pora ki pora fours bandhako jaise halat mai reh kar in karsevko ke samne bebas or asahaay or kaamobesh gulam jaise hokar reha gaya. Bilkul sahi kaha tha unhone. Idhar hamare sahiyogi mahendra sharma mujhe dundh rahe the mai unko ker 3 baje shaam dono log mile. Hum dono chalayemaan rehne ki wajah se pitne se bach gaye the. Udhar dhancha dhahaya jaraha tha or uski eke k int or pathaar ka chote se chota tukda bhi karsevko ne apne apne thele mai daal kar loutana shuru kar diya tha. Tamaam rajnaitik ghatnakram badle. Saryu mai jane kitna paani beha gaya or desh mai jane kitne dovargo ka khoon. Ab wahan par dhancha nahi hai. 6 december din ravivaar shaam hote hote wahan par naya nirmarnd suru ho gaya. 200 raj mistri,2000 majdoor kahan se aaye the ye sab? Mai or mera dost 8 december tak wahan par thehre ayodhya wasiyon ko tatola. Kul mila kar ek varg ki rai ubhri thi ki log roz roz ki kich kich, ayodhya kuuch karsevak ramlala hum aayenge mandir wahi banayege, se sab oob chuke the. Sakun se rehna mushkil ho raha tha ki lo aaoo girao dhancha. Banao mandir jitni dum ho laga lo ayodhya ka pind choordo bas. Dusre varg ki tippadi nahi likhunga kyo ki ve bahut dukhi the.

Magar mai itna fir kahunga ki 6 december 1992 ko jo ayodhya mai hua waha ek a ek umrda unmaad jununi karyawahi athwa achanak hua krtya nahi tha eke k cheez suvicharit, purwabhyaas purwak, blue print bana kar bakayada ranneeti sahit rachi gayi thi. Ha kalyaan singh ki ek baat se mai sehamat nahi hu ki goli chalane ka aadesh na de kar unhone karsevako ke pran bachaye the. Mera daawa hai ki ek bhi goli to kya bal pryoog mai ek thapar bhi nahi chalta to kar sevak nahi suraksha bal mare jaate. Chatni ki tarah pis diye jate. Yaha baat wahan par reha rahe police, prashashnik adhikari bakhoobi jante the. Kyo ki ve sab chupchaap gherliye gaye the sath hi itne ved-aved asalhe bheed ke paas the ki bheed surakshabal par bhari pardti. Yaha bhi ayodhya ka ek waha sach hai jise kabhi nahi uchaala gaya. Ese bahot se sach hai, jinka prakash mai aana ab 17 saal baad aana katai theek nahi. Yahi dharm hai or rashtra bhakti bhi.

Uff yaha tha 6 december. Ab to ye lagta hai ki us din ko na to shorya divas maana jaye na kala divas. Bas use dheere dheere bhula diya jaye to isi mai samaj ki bhalai hai. Yahan par ye batana bhi zaroori hai ki takriban 20 lakh logo ki bheed ko chatne mai 2 din bhi nahi lage or krndriya surasha bal ne ramnavmi dupatte ood-pehan kar ram mandir nirmand mail age karsevko ko bahut chaturai se wahan se hataya tha. Agar Kendra sarkar harkat main a aati, to nirmand ka ek prarambhik charan poora ho gaya hota. Wapsi mai lakhnau tak jis train se karsevak ki bheed aarahi thi waha tab bhi raste par utpaat karte hui aayi. Karfiyu har shehar mai laga tha, sampradayik sohard shat vishakt ho chukka tha jo jahan par bhari sankhya mai thaw aha wahi kamjor ko maar raha tha shehar jal rahe the. Is samuche sagram ke tamaam drashya jas k etas mere mashtiksh mai surakshit hai. Kabhi kabhi kondh jaate hai to ajeeb si sirhan hoti hai.

6 december 1992 ko bharat ki rajniti mai hamesha yaad rakha jayega. Is date ne desh mai sampradayik mahol ko kharab kar dala. Aaj bhi desh mai 6 december ke din sarkar ki taraf se suraksha ke bandobast karne pardte hai. Dekhte hai dekhte 6 december 1992 ko 17 saal ho gaye in 17 saalo mai saryu mai bohat pani beh gaya lekin desh ke karrn dharo ne 6 december se upje viwaad ko khatm karne ke liye pehal nahi ki. Is bheech Kendra mai kai sarkar ayi or chali gayi par masla jahan ka tahan hi raha. Dhancha giraye jane ka virodh karne wale musalmaan ledger bhi desh ko do mazhabo ke beech dhurovikarn banaye rakhne mai koi kasar nahi choodna chahate. Dono hi dharmo ke kattar buzurg neta nahi chahate ki 6 december ko desh ke itihaas mai dafana diya jaye

6 december har saal aayega or har saal ise koi shorya divas ke roop mai mayega , or koi dukh zahir karega lekin apne dayitv ko kis tarah se desh hit mai nibhaya jaye is bare mai koi bhi sagathan ya samudaye vichar nahi karta. Ayodhya ke log 6 december 1992 ke baad oob gaye hai. Kuch log is bare mai baat nahi karna chahate. 6 december ko ab zyaada mahimamandal karne ki zarurat nahi. Dono samuday ke beech bahut se ese masle hai jinko agar hal kiya jaye to kom or desh ka bhala hoga lekin kom ke thekedaron ko ye baat samajh mai nahi aati. Waha 6 december ko zinda rakhna chahate hai jabki inhe pata hai ki ……

Swapna-jhare phool se,
Meet-chubhe shool se,
Lut gaye singaar sabhi baag ke babool se,
Aur hum khade-khade bahaar dekhte rahe,
Karvan guzar gaya, Gubar dekhte rahe.

दूसरा बनवास

राम बनवास से जब लौट के घर में आये,
याद जंगल बहुत आया जो नगर में आये,
रक्से दीवानगी आँगन में जो देखा होगा,
६ दिसम्बर को श्री राम ने सोचा होगा,
इतने दीवाने कहाँ से मेरे घर में आये?

जगमगाते थे जहाँ राम के क़दमों के निशाँ,
प्यार की कहकशा लेती थी अंगडाई जहाँ,
मोड़ नफरत के उसी रहगुज़र में आये,
धरम क्या उनका है, क्या जात है, यह जानता कौन?
घर न जलता तो उन्हें रात में पहचानता कौन,
घर जलाने को मेरा, लोग जो घर में आये,
शाकाहारी है मेरे दोस्त तुम्हारा खंजर.

तुमने बाबर की तरफ फेके थे सारे पत्थर
है मेरे सर की खता ज़ख्म जो सर में आये,
पाँव सरयू में अभी राम ने धोये भी न थे
के नज़र आये वहां खून के गहरे धब्बे,
पाँव धोये बिना सरयू के किनारे से उठे,
राम यह कहते हुए अपने द्वारे से उठे,
राजधानी की फ़िज़ा आयी नहीं रास मुझे,
६ दिसम्बर को मिला दूसरा बनवास मुझे.